Diana´s Blog

reformismo borbónico na Galicia do setecentos, composición de texto hco

COMPOSICIÓN DE TEXTO HISTORICO

Os documentos seguintes permiten elaborar un texto que teña por asunto central a influencia do reformismo ilustrado en Galicia, empezando polas políticas administrativas (doc 1) e polas intervencións oficiais (doc 2) ou particulares (doc 3) dirixidas a un mellor coñecemento da realidade do país, coa finalidade de mellorar os recursos humanos e materiais que poidan garantir o benestar dos súbditos da Monarquía hispánica (docs. 4, 5 e 6).

FILIPE V. NOMEAMENTO DE INTENDENTE PARA O REINO DE GALICIA (10-8-1718).

Don Filipe, pola gracia de Deus (…). Por canto teño decidido establecer nos meus reinos, provincias e exércitos, intendentes que entendan en cuestión de xustiza, policía, facenda e guerra, e sendo conveniente que elixa persoa que sirva de intendente do reino de Galicia e das súas tropas, tendo en conta que as circunstancias que se requiren para o cargo concorren en vós, don García Ramírez de Arellano, noméovos intendente do referido reino de Galicia e das súas tropas. E quero, e é a miña vontade, que residades na cidade da Coruña.

RECONTO DO PATRIMONIO DE ANTONIO JACINTO DE ROMAY ARMADA E SOTOMAYOR (9-7-1743).

Primeiramente a casa, torre e capela coa súa horta cercada por alta muralla, con dous muiños coa auga necesaria para eles e a sobrante para os prados da horta de sementeira de 70 ferrados…Os campos de labradío…son máis de 200 ferrados de sementeira que producen cada quinquenio mil ferrados de todo froito…Ademais a viña que se inclue dentro das citadas murallas que producen 40 moios de viño…Así mesmo, o bosque contiguo á casa formado por carballos, aciñeiras, piñeiral e toxal que teñen 150 ferrados, e o seu pombal…Ademais, os montes que chaman de Castiñeiras…Os bens e efectos que pertencen ó referido morgado e as súas rendas importan 13.100 reais.

FREI MARTÍN SARMIENTO. CATÁLOGO DE VOCES E FRASES DA LINGUA GALEGA (1745-55).

É necidade que poida haber lingua, viva ou morta, que sexa mellor para explicar os seus conceptos que a que cada un ten mamado e coa que se criou todo o tempo da súa xuventude. É moi útil que se estudien, se saiban, se entendan e se falen linguas alleas, pero sen esquecer a nativa.

ESTATUTOS DA ACADEMIA DE AGRICULTURA DO REINO DE GALICIA (1765).

11.- O primeiro obxetivo dos académicos será investigar as causas da decadencia da agricultura nas sete provincias do reino de Galicia.

12.- Unha vez coñecido isto, tratarase dos medios de restablecer a agricultura, estimular ó labrego e incluso premialo e indemnizarlle algúns gastos como a compra de plantas e sementes extranxeiras, e a fabricación e uso de novos instrumentos.

15.- Os académicos terán especial coidado en ser os primeiros en adoptar o novo método…

CARLOS III. CÉDULA DE CREACIÓN DO REAL CONSULADO (1785).

Teño determinado establecer na cidade da Coruña e no seu porto un Consulado de mar e terra extensivo ó de Vigo e a todos os portos do arcebispado de Santiago, baixo as seguintes regras:

54.-O Consulado acordará os medios máis axeitados para o establecemento de escolas de Comercio, Agricultura e Debuxo, e especialmente dun Colexio de Pilotaxe e Mariñeiría…Tamén contribuirá a promocionar os medios máis rápidos e adecuados para limpar a ría, rematar a obra do dique, e facilitar as restantes que se necesitan para mellorar o porto.

INFORME DA SOCIEDADE DE AMIGOS DO PAÍS DE LUGO (1786).

Dende o seu establecemento…non deixou de promover por todos os medios posibles os seus obxetivos, verificando especialmente o cumprimento dos traballos de fiadas a torno, finura e branqueo de lenzos, plantío de moreiras e outros vexetais, fomento das fábricas, escola da doutrina cristiá e primeiras letras, ofrecendo e dando premios en obsequio das artes, inventos e memorias de mérito, facilitando e pagando o desague e desecación dunha lagoa próxima a esta cidade que non só a infesta senón que estorba un terreo propicio para unha fermosa alameda.

Anuncios

Navegación en la entrada única

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: